Hazrath Abu hurairah Radi allahu anhu se rivayat hai ki Rasoollalah Sallallahu alaihi wasallam ne Farmaya ki

Hazrath Abu hurairah Radi allahu anhu se rivayat hai ki Rasoollalah Sallallahu alaihi wasallam ne Farmaya ki:

Allah taala Qayamat ke din Farmayega ki:"Eh Aadam ke Baitey!! Mein Beemar hua to tune Meri khabar na li".

Wo kahega,"Eh parwardigar! Main Teri khabar kaisey leta Tu to Malik hai sarey Jahan ka"?

Allah Subhanahu Farmayega,"Tujh ko malum Nahi mera Falah Banda beemar hua tha tuney uski khabar Na li .Agar tu uski khabar leta tu mujhe uskey Nazdeek pata ,

Eh Aadam ke betey !Mainey tujhse khana manga tune mujhe khana na diya"

Wo kahega"Eh Rab !Main tujhko kaisey khilata tu to Malik hai sarey Jahan ka"?

Allah subhanahu Farmayega"Tu Nahi jaanta mere falah Bandey ne tujhse Khana maanga tuney usko Na khilaya agar tu usko khilata to uska Sawab mere paas pata,"

"Eh aadam ke baitey! mainey tujhse Paani maanga tuney mujhko na pilaya"

Banda bolega"Main tujhko kaisey pilata tu Malik hai sarey Jahan ka"?

Allah farmayega"Mere falah bandey ne tujhse Paani maanga tuney usko Nahi pilaya agar pilata to uska badla mere paas pata".

Sahih Muslim , Vol 6, 6556